अनलाइन डबली
काठमाडौँ । यही बैशाख ३० गते हुने स्थानीय तह निर्वाचनको लागि हिजो र अस्ति गरी देशभर उम्मेदवारी दर्ता गरिएको छ । उम्मेदवारी विरुद्ध दाबी विरोध वा उजुरी दिने समय आज निर्वाचन आयोगले तोकेको छ ।
पूर्वनिर्धातिर समयअनुसार आज साँझ ५ बजेसम्म निर्वाचन अधिकृतको कार्यालयमा पुगेर उजुरी दिनुपर्नेछ । निर्वाचन आयोगले तोकेको योग्यता पूरा नभएकाहरूविरुद्ध उजुरी दिन पाइन्छ ।
निर्वाचन आयोगले उम्मेदवारहरूको नामावली नै रुजु गरिसकेको छैन । उम्मेदवारी सोँचेभन्दा धेरै परेको आयोगले जनाएको छ । आज उजुरी लिएपनि आयोगले प्राप्त उजुरीमाथि जाँझबुझ भने १४ र १५ वैशाखमा गर्नेछ । जाँझबुझपछि उम्मेदवारहरूको नामावली प्रकाशन हुनेछ ।
त्यसैगरी १६ गते उम्मेदवारी फिर्ता लिने र सोही दिन अन्तिम नामावली प्रकाशन हुने आयोगले जनाएको छ भने १७ गते उम्मेदवार बनेकाहरूले निर्वाचन चिह्न प्राप्त गर्नेछन् । र, ३० वैशाखमा निर्वाचन हुने छ ।
