कालिकोट । कालिकोटमा सत्तारुढ तीन दलबीच चुनावी गठबन्धन भएको छ । आइतबार तीन दलका नेताहरुको बैठकले ९ पालिका मध्ये नेकपा (माओवादी केन्द) पाँच, नेपाली काँग्रेस दुई, नेकपा (एकीकृत समाजवादी) २ पालिकामा उम्मेदवारी उठाउने सहमति भएको छ ।
सहमतिअनुसार जिल्लाका तीन नगरपालिकामध्ये दुई माओवादी, एउटा काँग्रेसले उम्मेदवारी उठाउने भएका छन् । तिलागुफा नगरपालिका, रास्कोट नगरपालिका, पलात गाउँपालिका, पचल झरना गाउँपालिका, सान्नी त्रिवेणी गाउँपालिकामा माओवादीले उम्मेदवारी उठाउने सहमति भएको छ ।
त्यसैगरी नेपाली काँग्रेसले खाँडाचक्र नगरपालिका र महाबै गाउँपालिकामा जिम्मेवारी उठाउने भएको छ । त्यतै, नरहरीनाथ, शुभकालिका गाउँपालिकामा उम्मेदवारी उठाउने गठबन्धनमा सहमति भएको छ ।
माओवादी केन्द्रले पाँच पालिकामध्ये सान्नी त्रिवेणी गाउँपालिकामा डम्वर शाहीलाई पुनः उम्मेदवारी उठाउने निर्णय गरेका छ । शाहीले आफूले जनताको पक्षमा काम गरेको र सुरु गरेका कार्यहरुलाई सम्पन्न आफूलाई पार्टीले पुनः जिम्मेदवारी दिने बताए । जनतासँग गरेका प्रतिवद्धता पूरा गर्न एक कार्यकाल आवश्यक भएकोले आफू पुनः तयार भएको अनलाइन डबलीसँग बताए ।
तीनै दलले आज उम्मेदवारी दिने तयारी गरेका छन् ।