अनलाइन डबली
अछाम । जिल्लामा सत्ता गठबन्धन दलहरुबीच सहमति हुन सकिरहेको छैन । नेकपा माओवादी केन्द्र, नेपाली काँग्रेस र नेकपा एकीकृत समाजवादीबीच अन्तिम प्रयास जारी छ । सदरमुकाम मंगलसेनमा तीनै पार्टीका जिल्ला नेताहरु अन्तिम प्रयासमा जुटेका छन् ।
तीनै पार्टीले आआफ्नो उम्मेदवारको टुंगो लगाउनेबारे छलफलमा पनि जुटेका छन् । यसैबीच पञ्चदेवल विनायक नगरपालिका–७ पुल्लेतोलाको अध्यक्षमा भीम रावलले उम्मेदवारी घोषणा गरेका छन् । रावलले शनिबार साँझ सामाजिक संजालमा उनले आफूले नेकपा (माओवादी केन्द्र)को तर्फबाट उम्मेदवारी घोषणा गरेका हुन् ।
अहिलेसम्म यस नगरपालिकाबाट कुनै पनि राजनीतिक पार्टीको तर्फबाट उम्मेदवारी घोषणा हुन सकेको छैन । तर, रावलले वडाअध्यक्षमा उम्मेदवारी घोषणा गरेका हुन् ।
उम्मेदवारी घोषणा गर्दै रावलले आफू बरु नष्ट हुने तयार तर भ्रष्ट नहुने प्रतिवद्धता समेत जाहेर गरेका छन् । जनताको सेवा भन्दा अरु केही नसोचेको भन्दै सबैले भोट दिने विश्वास समेत व्यक्त गरे । उनले समाज विकासको आवश्यकताले युवा वर्गको नेतृत्व माग भएको अनुभूति गरेर उम्मेदवारी घोषणा गरेको अनलाइन डबलीसँग बताए ।
पुल्लेतोलोको विसका र नागरिकको जीवन उकास्न आफूले ज्यान दिएर लाग्ने प्रतिवद्धता समेत जाहेर गरेका छन् । समाज, युवा पिढी र परिवारको आग्रह र चाहनाअनुसार आफूले उम्मेदवारी दिने निष्कर्षमा पुगेको बताए ।
