![](https://onlinedabali.com/wp-content/uploads/2022/04/dipak-achham-dabali.jpg)
अछाम । जिल्लामा सत्तारुढ नेपाली काँग्रेस, नेकपा (माओवादी केन्द्र) र नेकपा एकीकृत समाजवादीबीच चुनावी तालमेल गर्ने भएका छन् । सोमबार तीनवटै पार्टीको संयुक्त बैठकले अछामका १० वटा पालिका र ९१ वटै वडामा गठबन्धन गर्ने निर्णय गरेको माओवादी केन्द्रका युवा नेता दिपक साउदले जानकारी दिए ।
तीन दलको संयुक्त बैठकपछि संयुक्त विज्ञप्तिमार्फत गठबन्धन गर्ने निर्णय भएको जानकारी दिइएको छ । विज्ञप्तिमा केन्द्रीय गठबन्धनलाई आत्मसात गर्दै जिल्लामा सबै स्थानीय तह र ९१ वटै वडामा गठबन्धन गर्ने उल्लेख गरिएको छ ।
“नेपालको वर्तमान राजनीतकि परिवेशलाई मध्येनजर गर्दै केन्द्रमा जस्तै अछाम जिल्लामा पनि नेपाली काँग्रेस, नेपाल कम्युनिस्ट पार्टी (माओवादी केन्द्र), नेपाल कम्युनिस्छट पार्टी (एकीकृत समाजवादी) सम्मिलित केन्द्रीय गठबन्धनलाई आत्मसा तगर्दै आगामी स्थानीय तह निर्वाचन–२०७९ जिल्लाको १० वटै स्थानीय तह र ९१ वटै वडाहरुमा गठबन्धन अघि बढाउन हामी एक्येवद्ध छौं” संयुक्त विज्ञप्तिमा भनिएको छ ।
संयुक्त विज्ञप्तिमा माओवादी केन्द्रका जिल्ला संयोजक रविन्द्र साउद, नेपाली काँग्रेस सभापति पुष्प शाह र एकीकृत समाजवादीका अध्यक्ष हिरण्ड भट्टराईले हस्ताक्षर गरेका छन् ।
अब गठबन्धन तीनै दलका जिल्ला नेताहरु बसेर चुनावी कार्यक्रम र उम्मेदवारबारे छलफल अगाडि बढाउने साउदले बताए ।