काठमाडौं । प्रधानमन्त्री शेरबहादुर देउवा र भारतीय प्रधानमन्त्री नरेन्द्र मोदीबीच आज भेटवार्ता हुने भएको छ । तीनदिने भारत भ्रमणमा रहेका प्रधानमन्त्री देउवा र मोदीबीच भेटवार्ता हुन लागेको हो ।
भ्रमणको पहिलो दिन देउवा र भारतीय विदेशमन्त्री एस जयशंकरबीच भेटवार्ता भएको थियो । नयाँ दिल्लीको होटल आईटीसी मौर्यमा रहेका प्रधानमन्त्री देउवा र विदेशमन्त्री जयशंकरबीच भेटवार्ता भएको हो ।
हिजै प्रधानमन्त्री देउवाले सुरक्षा सल्लाहकार अजित डोभालले भेट गरेका थिए भने भारतीय जनता पार्टीको केन्द्रीय कार्यालय पुगेका थिए । भाजपाका अध्यक्ष जगत प्रकाश नड्डा र देउवाबीच भेटवार्ता भएको थियो ।
प्रधानमन्त्री देउवा शुक्रबार साँझ नयाँदिल्लीस्थित नेपाली दूतावासले आयोजना गरेको रात्रिभोजमा सहभागी भएका थिए । सो क्रममा प्रधानमन्त्री देउवाले शनिबार समकक्षी नरेन्द्र मोदीसँग भेटवार्ता गर्ने कार्यक्रम तय भएको जानकारी गराएका थिए । देउवाले मोदीसँगको भेट उपलब्धीमूलक हुने आशा व्यक्त समेत गरे ।
प्रधानमन्त्री देउवाले मोदीसँगको भेटमा सीमा विवाद समाधानको विषयमा उठान विज्ञहरुले सुझाव दिएका छन् ।
जम्बो टोली बोकेर शुक्रबार भारत भ्रमणमा गएका प्रधानमन्त्री देउवाले आइतबार बनारसको भ्रमण गर्ने र सोही दिन स्वदेश फर्किने कार्यक्रम छ । भारतीय सरकारले भन्दा भाजपाले देउवाको स्वगात बढी गरेको छ ।
