आज :

रुसले रणनीति परिवर्तन गर्‍यो, अबको केही दिनमा पूर्वी क्षेत्रलाई मुक्त गराउने घोषणा

काठमाडौँ । रुसले युक्रेनमा सैन्य कारवाही थालेको आज ३२ दिन भएको छ । रुसले पहिलो चरणको कारवाही सफल भएको भन्दै अब दोस्रो चरणको कारवाही सुरु गर्ने बताएको छ । रुसी अधिकारीले अब युक्रेनका पूर्वी क्षेत्रलाई मुक्त गर्ने बताएका छन्।

रुसको रक्षा मन्त्रालयले युद्धको प्रारम्भिक उद्देश्य पूरा भएको र युक्रेनको युद्ध क्षमतामा कमी ल्याउन सफल भएको दाबी गरेको छ । पहिलो चरणमा युक्रेनको सैन्य शक्ति कमजोर बनाउने र दोस्रो चरणमा मुक्त गर्ने उद्देश्यले रुस लिएको बताइएको छ ।

रुसी सेनाका कमाण्डर सर्गेई रुदस्कोईले भने, “हाम्रो कारबाहीको पहिलो चरणको मुख्य काम पूरा भएको छ ।” उनले युक्रेनी सशस्त्र फौजको युद्धक्षमता ठोस रूपमै कमजोर भएको बताए । अबको मुख्य लक्ष्य पूर्वी क्षेत्रलाई मुक्त गर्नु रहेको उनले बताए ।

अब रुसले युक्रेनका पूर्वी क्षेत्रसहित मुख्य शहर नियन्त्रणमा लिने गरी हमला गर्ने भारतीय रक्षा विज्ञहरु बताउँछन् । रुसी सेनाले किएभमा पनि हमला जारी राख्दै घेराउलाई साँधुरो बनाउँदै लगेको छ ।

युक्रेनी राष्ट्रपति भोलोदिमिर जेलेन्स्कीले आफ्नो सेनाले रुसको योजना असफल बनाईदिएको दाबी गरेका छन् । युद्धक्षेत्र रहेका भारतीय पत्रकार राजेश पावरले भने यो कुरा स्वीकार गर्दैनन् । रुसले पहिलो चरणमा युक्रेनको शक्ति कमजोर बनाउन मात्रै हमला गरेको र अब त्यो भन्दो ठूलो संख्यामा हमला हुन सक्ने पावर बताउँछन् ।

रुसको दाबीलाई पत्रकार राजेशले स्वीकार गर्दै युक्रेनको सैन्य शक्तिमा ठूलो क्षति पुगेको र अलग थलग नै भएको र यो भन्दा ठूलो हमला रुसले गरेमा लड्न नसक्ने बताउँछन् ।

रुसले अझै पनि युक्रेनलाई कब्जा गर्ने बताएको छैन । उसले युक्रेनले रुसको सुरक्षा चाँसोलाई चुनौती दिएको भन्दै निशस्त्रीकरण गर्ने बताउँदै आएको छ । तर, देश पूरै ध्वस्त भइसक्दा पनि जेलेन्स्की नेटो र इयूसँग सैन्य सहयोग मागिरहेका छन् ।

यसैबीच रुसले एक महिनाको सैन्य कारवाहीको क्रममा ३० हजार युक्रेनी सेनाको ज्यान गएको बताएको छ । रुसी रक्षा मन्त्रालयका अनुसार युक्रेनको ठूलो सैन्य उपकरण पनि नियन्त्रणमा आएको छ ।

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा
दर्ता नं. १५४/०७३-७४

Copyright © 2021 Online Dabali | Powered By EasySoftnepal