काठमाडौं । संखुवासभामा भएको बस दुर्घटना परी ज्यान गुमाउनेको संख्या १४ पुगेको छ । आज विहान ७ बजेतिर बा ४ ख ७३५ नम्बरको बस संखुवासभाको मादी नगरपालिका वडा नं. ६ सातघुम्ती भन्ने स्थानमा दुर्घटना भएको थियो ।
प्रहरीका अनुसार बस झापाको दमकतर्फ जाँदै थियो । दुर्घटनामा ५ जना घाइते भएका छन् । प्रहरीका अनुसार घटनास्थलमा १४ जना यात्रुको शब भेटिएको छ भने एक बच्चा हराइरहेका छन् ।
घटनास्थलबाट पाँच जनाको जिवितै उद्दार गरिएको बताइएको छ । बसका २१ जना जति सवार रहेका थिए । घटनामा परी केही यात्रु गम्भीर घाइते भएकोले मृतकको संख्या बढ्न सक्ने बताइएको छ ।
प्रहरी र स्थानीयले उद्दार गरी घाइतेलाई उपचारको लागि सदरमुकाम चैनपुर लगिएको छ भने गम्भीर घाइतेलाई हेलिकोप्टरबाट सुविधानसम्पन्न अस्पतालमा लैजाने तयारी भइरहेको प्रहरीले बताएको छ । बस सडकबाट करिब साढे ३ सय मिटर तल खसेको थियो ।
