काठमाडौं । नेपाल कम्युनिष्ट पार्टी (एकीकृत समाजवादी) को केन्द्रीय समितिको बैठक बस्दैछ । बबरमहलस्थति कार्की ब्याङ्क्वेटमा केन्द्रीय समितिको तेस्रो पूर्ण बैठक बस्न लागेको हो ।
बैठकमा एमसीसी र चुनावलगायत नेताहरुको कार्यविभाजनबारे पनि छलफल हुने नेताहरुले बताएका छन् । बैठकमा अध्यक्ष माधव कुमार नेपालले राजनीतिक प्रतिवेदन पेश गर्ने बताइएको छ । नेपालको प्रतिवेदनमा राष्ट्रिय राजनीतिको समीक्षा र भावी कार्ययोजना समेटेर प्रतिवेदन तयार गरेको बताइएको छ ।
त्यसैगरी स्थानीय तहको चुनाव र एमसीसीबारे पनि छलफल हुनेछ । एमसीसीमा केही नेताहरुको फरक धारणा थियो । पार्टीका सम्मानित नेता झलनाथ खनालले एमसीसी राष्ट्रहितमा नभएको भन्दै संसदमा अनुमोदन गर्दैगर्दा उठेर नारा लगाएका थिए ।
नेता खनालले एमसीसी पास गर्ने पार्टीको निर्णयको विरोध जनाउँदै आएका छन् । आजको बैठकमा नेता खनालले धारणा राख्ने बताइएको छ ।
