काठमाडौं । नेकपा (माओवादी केन्द्र) को केन्द्रीय समिति बैठक स्थगित भएको छ । आज विहान ११ बजे बस्ने भनिएको समय सारिएको थियो ।
तयारी नपुगेको भन्दै आजको बैठक स्थगित भएको छ । नेताहरुका अनुसार बैठक भोलि विहान ११ बजे बस्नेगरी आजको बैठक स्थगित भएको छ ।
आजको बैठकमा पदाधिकारी चयन, स्थायी समिति, पोलिट्ब्यूरो र कार्यविभाजन कार्यसूचीमा थिए । महाधिवेशपछि बसेको केन्द्रीय समिति बैठकले अध्यक्षमा प्रचण्डलाई निर्वाचित गरेको थियो भने अन्य पदाधिकारी चयन गर्न बाँकी छ । शुक्रबारबाट सुरु भएको यस बैठकले नै पदाधिकारी चयन गर्ने बताइएको छ ।
माओवादी केन्द्रको विधान अनुसार केन्द्रीय कमिटी २९९ सदस्यीय छ । तर ६३ केन्द्रीय सदस्य मनोनित गर्न बाँकी छ । १५ सदस्यीय पदाधिकारीमध्ये अध्यक्षबाहेक अन्य पदहरु पनि रिक्त छन् ।