काठमाडौँ । नेकपा नेता गोकुल बास्कोटाले सभामुख अग्निप्रसाद सापकोटाविरुद्ध महाअभियोगको प्रस्ताव ल्याउन लागेको बताएका छन् । पूर्वमन्त्री समेत रहेका बास्कोटाले एमालेलाई परास्त गर्ने भुमिका खेलिरहेको सभामुख सापकोटाविरुद्ध महाअभियोग ल्याउने जानकारी दिए ।
नेपाल खेलकुद महासङ्घ कर्णाली प्रदेशको प्रथम अधिवेशनमा सहभागी हुन सुर्खेत पुगेका बास्कोटाले पत्रकारसँग कुरा गर्दै सभामुख कुनै पार्टीको हैन र त्यो पद संसदको सबैभन्दा माथिल्लो भएको तर सापकोटा पक्षपाती भएको आरोप समेत लगाए ।
नेता बास्कोटाले नेकपा माओवादी केन्द्रका अध्यक्ष प्रचण्डले एमसीसीका विरुद्धमा पहाड सिर्जना गरेको बताए । उनले एमसीसी परियोजना त्यति गिजोल्नुपर्ने नभएको दाबी गरे ।