काठमाडौँ । विवादित अमेरिकी परियोजना एमसीसीलाई पास गराउन नेपाली काँग्रेसले सक्रियता देखाएको छ । नेपाली काँग्रेसका नेताहरु अन्य पार्टीका नेताहरुसँग छलफल बाक्लो बनाएका छन् । काँग्रेस सभापति समेत रहेका प्रधानमन्त्री शेरबहादुर देउवाले नेकपा (एमाले)का अध्यक्ष केपी शर्मा ओलीसँग बालुवाटारमा छलफल गरेका थिए । ओलीलाई भेट्न बालुवाटारमै बोलाएर भेटेका थिए ।
बुधबार गृहमन्त्री बालकृष्ण खाँणले सत्तारुढ नेकपा माओवादी केन्द्रका अध्यक्ष प्रचण्डला र नेकपा एमाले अध्यक्ष केपी शर्मा ओलीलाई भेटेका छन् । खाँणले प्रचण्ड र ओलीसँग एमसीसी पास गर्नेबारे छलफल गरेको बताइएको छ ।
खाँणसँगको भेटमा प्रचण्डले आफ्नो पार्टीले निर्णय गरिसकेको जानकारी गराउँदै आफूले समर्थन गर्न नसक्ने बताए । भेटमा ओलीले एमालेले उठाउँदै आएको कुरालाई सम्बोधन गरे एमसीसीमा साथ दिने बताएको बताइएको छ ।
एमालेले माधव कुमार नेपालसहितका सांसदहरुलाई कारवाही गर्नुपर्ने नभए सभामुख अग्नीप्रसाद सापकोटाले राजिनामा दिनुपर्ने माग गर्दै आएको छ । एमसीसीबारे औपचारिक निर्णय नगरेको एमालेले कता निर्णय छ भन्ने साबैको चाँसो बनेको छ ।
माओवादी केन्द्र र एकीकृत समाजवादीले एमसीसीको विपक्षमा उभिने निर्णय गरिसकेका छन् भने जनता समाजवादीले अनिर्णयको बन्दी भइरहेको छ ।
यसैबीच नेपाली काँग्रेसले एमसीसी छलफलमा आफ्ना सबै सांसदहरुलाई अनिवार्य छलफल हुन निर्देशन दिएको छ ।