आज :

एमसीसी संसदमा पेश गर्ने तयारी, ‘नो एमसीसी’ लेखिएका शंकास्पद बस्तु भेटिन थाले

काठमाडौँ । विवादित अमेरिकी परियोजना मिलेनियम च्यालेन्ज कर्पोरेशन (एमसीसी)लाई प्रतिनिधिसभा बैठकमा पेश गर्ने तयारी भइरहँदा विभिन्न ठाउँमा शंकास्पद बस्तु भेटिन थालेका छन् । दुईअघि काठमाडौँमा ढुंगेअड्डामा प्रेसर कुकुरमा खतरा लेखिएको थियो ।

यसैबीच दाङको पूर्व–पश्चिम राजमार्ग अन्तर्गत लमहीको सडक छेउमा प्रेसर कुकर ब म फेला परेको छ । प्रहरीका अनुसार लमही नगरपालिका वडा नम्बर–७ स्थित पदमिनी खोलाको २०० मिटरको दक्षिणतर्फ सडक छेउमा तार जोडेर राखिएको अवस्थामा प्रेसर कुकर बम फेला परेको हो । मध्यरात फेला परेको उक्त ब ममा ‘नो एमसीसी’ लेखिएको छ । अहिले त्यसलाई डिस्पोज गरिएको प्रहरीले जनाएको छ ।

प्रधानमन्त्री शेरबहादुर देउवाले आज बस्ने प्रतिनिधिसभा बैठकमा जसरी भएपनि एमसीसी पेश गर्ने तयारी भइरहँदा सडकमा विरोधका प्रदर्शनहरु सुरु भएका छन् । सत्तारुढ पार्टीसहित विभिन्न राजनीतिक पार्टीका कार्यकर्ताले नयाँवानेश्वर लगायतका क्षेत्रमा विरोध प्रदर्शन सुरु गरेका छन् । उनीहरुले एमसीसीविरुद्ध चर्का नाराबाजी सुरु गरेका छन् ।

सत्ता गठबन्धन दलहरुबीच एमसीसीबारे सहमति हुन सकेको छैन । सरकारको नेतृत्वकर्ता नेपाली काँग्रेसले एमसीसी संसदबाट पास गर्ने निर्णय गरिसकेको छ भने गठबन्धनको दोस्रो ठूलो दल नेकपा माओवादी केन्द्रले एमसीसी पास नगर्ने निर्णय गरेको छ ।

त्यस्तै, अर्को दल नेकपा एकीकृत समाजवादीको शनिबार बसेको स्थायी समिति बैठकले यथास्थितिमा एमसीसी पास गर्न नसकिने बताएको छ । तर, सार्वभौम संसदमा लिएर बहस गर्न सकिने बताएको छ । एकीकृत समाजवादीको नेताहरुको फरक फरक धारणा आइरहेको बेला महासचिव बेदुराम भुसालले विज्ञप्ति जारी गरेर एमसीसी संशोधन विना पास गर्न नसकिने तर संसदमा छलफल गर्न सकिने बताएका छन् ।

प्रमुख प्रतिपक्ष नेकपा एमालेले निरन्तर संसद अवरुद्ध गरिरहेको छ । आजको बैठक पनि अवरुद्ध गर्ने एमालेको तयारी छ । सरकारले एमालेको अवरोधबीच एमसीसी सदन टेबल गर्ने तयारी गरेको छ । प्रधानमन्त्री देउवाले एमालेको अवरोधबीच एमसीसी पास गर्न गठबन्धनका अन्य नेताहरुसँग सहयोग मगिररहेका छन् ।

यो समाचार तयार पार्दासम्म माओवादी केन्द्र, एकीकृत समाजवादी, राष्ट्रिय जनमोर्चाले एमसीसी पास गर्न नसकिने अडान कायमै राखेका छन् भने जनता समाजवादी पार्टीले भने कुनै निर्णय गर्न सकेको छैन । जसपाका दुई अध्यक्ष दुईतिर फर्केका कारण निर्णय हुन सकेको छैन । बाबुराम भट्टराई एमसीसी हुबहु पास गर्ने पक्षमा छन् भने उपेन्द्र यादव संशोधनसहित पास गर्ने पक्षमा छन् ।

  • फाइल फोटो
About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा
दर्ता नं. १५४/०७३-७४

Copyright © 2021 Online Dabali | Powered By EasySoftnepal