काठमाडौं । पेट्रोलियम पदार्थको मूल्य फेरि बढेको छ । नेपाल आयल निगमले गए राति १२ बजेबाट लागु हुने गरी विरोध फेरि पेट्रोलियम पदार्थको मूल्यवृद्धि गरेको हो ।
नयाँ मूल्यसँगै पेट्रोलको अहिलेसम्मकै उच्च पुगेको छ । निगमले पेट्रोल र डिजेलको प्रतिलिटर ३ रुपैयाँ बढको छ । अब पेट्रोलकाे नयाँ मूल्य १४५ पुगेको छ भने डिजेल र मट्टितेलको मूल्य १२८ रुपैयाँ पुगेको छ ।
नेपालमा पेट्रोलियम पदार्थको मूल्यवृद्धिको विरोध भइरेको बेला अन्तर्राष्ट्रिय बजार मूल्य अनुरूप प्रति लिटर पेट्रोल रु.५.६१ ले बढेको, डिजेल रु.५.६२ ले बढेको र हवाई इन्धन रू. ४.९५ ले बढेर आएको निगमले जनाएको छ । भारतीय इण्डियन आयल निगमले १६ फेब्रुअरीमा मूल्य बढाएर पठाएको थियो ।
मूल्य समायोजन नगर निगमलाई १५ दिनमा करीब रू. २ अर्ब ४० करोड घाटा हुने अवस्था रहेका कारण मूल्य बढाउन परेको निगमले बताएको छ । मूल्यवृद्धिपछि पनि निगमलाई १५ दिनको जम्मा घाटा करिब रू. २ अर्व ४० करोडबाट करिब रू. २५ करोडले घटी अझै करीब रू. २ अर्ब १५ करोड घाटा यथावत नै रहने निगमले जनाएको छ ।
निगमका अनुसार चालु आर्थिक वर्षको माघ मसान्तसम्ममा निगमले करीब रू. २४ अर्व घाटा भएको छ ।