आज :

प्रधानमन्त्री देउवालाई प्रचण्ड-नेपालको जवाफ- एमसीसी पास गर्न सकिँदैन, बरु गठबन्धन छोड्छौं

काठमाडौँ । प्रधानमन्त्री शेरबहादुर देउवा र सत्ता गठबन्धनका दुई शिर्ष नेताबीच शनिबार विहान भेटवार्ता भएको छ । प्रधानमन्त्रीको आग्रहमा नेकपा (माओवादी केन्द्र)का अध्यक्ष प्रचण्ड र नेकपा एकीकृत समाजवादीका अध्यक्ष माधव कुमार नेपाल प्रधानमन्त्री निवास बालुवाटार पुगेका थिए ।

तीन शिर्ष नेताबीच विवादित मिलेनियम च्यालेन्ज कर्पोरेशन (एमसीसी)बारे छलफल भएको बताइएको छ । स्रोतहरुका अनुसार प्रधानमन्त्री देउवाले आउँदो प्रतिनिधिसभा बैठकमा एमसीसी टेबुल गरौं भन्ने प्रस्ताव राखेका थिए । एमसीसी पास नगरे अन्तर्राष्ट्रिय रुपमा नेपालको छबि बिग्रिने भन्दै प्रधानमन्त्रले पास गर्न साथ दिन आग्रह गरेका थिए । प्रधानमन्त्रीले सके सहमति गरौं नभए संसदमै आफ्ना कुरा राखेर अगाडि बढौं समेत भनेको बताइएको छ ।

छलफलको क्रममा माओवादी केन्द्रका अध्यक्ष प्रचण्डले एमसीसी सहयोग परियोजना मात्रै नभएको भन्दै यसलाई यथास्थितिमा पास गर्न नसकिने र राष्ट्रिय सहमति आवश्यक भएको बताए । प्रचण्डले सरकारको तर्फबाट अमेरिकासँग छलफल गर्न समेत प्रधानमन्त्रीलाई सुझाव दिएका थिए ।

छलफलको क्रममा प्रचण्डले प्रधानमन्त्री अगाडि बढे आफूहरु गठबन्धन छोड्न तयार रहेको समेत चेतावनी दिएका थिए । उनले पार्टीहरु चुनावमा होमिसकेको भन्दै एमसीसीको फैसलाबारे निर्णय त्यसपछि मात्रै गर्न प्रस्ताव समेत राखेका थिए ।

त्यसैगरी एकीकृत समाजवादीका अध्यक्षक नेपालले एमसीसी अहिलेकै अवस्थामा संसदमा पास गर्न नसकिने बताएका थिए । उनले प्रधानमन्त्रीले जबरजस्ती एमसीसी अगाडि बढाए त्यसको गम्भीर परिणाम हुने चेतावनी दिएका थिए ।

प्रचण्ड र नेपालको कुरा सुनेपछि प्रधानमन्त्रीले पुनः एमसीसीबारे आआफ्ना पार्टीका धारणा संसदमै राखौं र त्यसैलाई लिएर चुनाव जाऔं भन्ने प्रस्ताव राखेका थिए । तर, प्रचण्ड र नेपाल तयार नभएपछि बैठक विना निष्कर्ष टुंगिएको बताइएको छ।

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा
दर्ता नं. १५४/०७३-७४

Copyright © 2021 Online Dabali | Powered By EasySoftnepal