काठमाडौं । विवादित एमसीसीविरुद्ध संसद भवन अगाडि आठवटा कम्युनिस्ट पार्टीले संयुक्त विरोध प्रदर्शन गरेका छन् । विप्लव नेतृत्वको नेकपा, मोहन वैद्य नेतृत्वको नेकपा क्रान्तकािरी माओवादीसहित ६ पार्टी र दुई मोर्चाले संयुक्त रुपमा विरोध प्रदर्शन गरेका हुन् ।
सरकारले आज संसदमा एमसीसी टेबुल गर्न लागेको भन्ने समाचारबीच वानेश्वरस्थित संसद भवन अगाडि संयुक्त विरोध प्रदर्शन गर्ने निर्णय गरेका थिए । विरोध प्रदर्शनमा नेपाल कम्युनिस्ट पार्टी, नेकपा क्रान्तिकारी माओवादी, ऋषि कट्टेल नेतृत्वको नेकपा, वैज्ञानिक समाजवादी कम्युनिस्ट पार्टी नेपाल, नेकपा माओवादी केन्द्र समाजवादी, देशभक्त जनगणतान्त्रिक मोर्चा र राष्ट्रिय जनमोर्चाले काठमाडौंसहित देशभर विरोध प्रदर्शन गरेका छन् ।
उनीहरुले एमसीसी राष्ट्रहित विपरित भएको भन्दै खारेजीको माग गरेका थिए । प्रदर्शनकारीहरुले एमसीसी सम्झौता पारित गरे दश ठप्प पार्ने चेतावनी दिएका थिए । संसदमा अनुमोदनमा हस्ताक्षर गर्ने सांसदहरुलाई सामाजिक बहिस्कार गर्ने र जनताले कारवाही गर्ने चेतावनी समेत दिएका थिए ।
विरोध र्याली कामाइतीघरदेखि सुरु भइ नयाँ बानेश्वरमा कोणसभामा परिणत भएको थियो । कार्यक्रमलाई नेताहरुले सम्बोधन गर्दै एमसीसी खारेज अमेरिकाले नेपाललाई सैन्य अखाडा बनाउन चाहेको बताएका थिए ।
