आज :

माओवादी केन्द्रको केन्द्रीय समिति बैठक २८ र २९ गते, पदाधिकारी, निर्वाचन र एमसीसी मुख्य एजेण्डा

काठमाडौं। नेपाल कम्युनिस्ट पार्टी (माओवादी केन्द्र) को केन्द्रीय समिति बैठक २८ र २९ गते बस्ने भएको छ । पार्टी केन्द्रीय कार्यालयका सचिव श्रीराम ढकालकाअनुसार बैठक यही माघ २८ र २९ गतेका लागि बोलाइएको हो। यसअघि माओवादीले माघ २७ गते बैठक बोलाएको थियो ।

महाधिवेशनपछि अध्यक्ष चयन गरेपछि केन्द्रीय समिति बैठक बस्न सकेको छैन । कोरोना महामारी सम्बन्धी सरकारले जारी गरेको मापदण्डका कारण भौतिक रुपमा बैठक बस्न सकेको थिएन ।

सरकारले स्थानीय तहको निर्वाचनको मिति घोषणापछि अध्यक्ष प्रचण्डले केन्द्रीय समिति बैठक बोलाएका हुन् । बैठकमा पार्टीका पदाधिकारी चयन, स्थानीय तहको निर्वाचन र विवादित अमेरिकी सहयोग परियोजना मिलेनियम च्यालेन्ज कर्पोरेशन (एमसिसी) मुख्य एजेण्डा रहेको माओवादी केन्द्रका एक नेताले बताए ।

पदाधिकारीसँगै स्थायी, पोलिट्ब्यूरो र थप थर्न बाँकी केन्द्रीय समिति सदस्यहरुको पनि टुंगो लगाउनेबारे छलफल हुने बताइएको छ । बैठकले एमसीसीबारे औपचारिक धारणा बनाउने नेताहरुले बताएका छन् ।

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा
दर्ता नं. १५४/०७३-७४

Copyright © 2021 Online Dabali | Powered By EasySoftnepal