काठमाडौँ । सत्ता गठबन्धन दलको बैठक विना निष्कर्ष सकिएको छ । स्थानीय निर्वाचनको मितिबारे छलफल गर्न बसेको बैठक पुनः बस्ने गरी स्थगित भएको छ ।
प्रधानमन्त्री निवास बालुवाटारमा बसेको बैठक स्थानीय तहको निर्वाचनको मिति तय गर्नेबारे केन्द्रित रहेको बताइएको छ । बैठकमा कुनै सहमति नभएपछि पुनः ४ बजे बस्ने गरी बैठक स्थगित भएको हो ।
स्थानीय तहको निर्वाचन मात्र नभई तीन वटै तहको निर्वाचन एकैपटक गर्ने विषयमा पनि सत्तारुढ दलहरुबीच छलफल भईरहेको छ भने बैशाख भित्रै स्थानीय तहको निर्वाचन सम्पन्न गर्नुपर्ने प्रमुख प्रतिपक्ष दल नेकपा एमालेको माग छ ।
