काठमाडौं । अमेरिकाले समुन्द्रभित्रको रुसी ग्याँस पाइपलाइन भत्काउने चेतावनी दिएको छ । अमेरिकी विदेश मन्त्रालयका प्रवक्ताले युक्रेनमाथि हमला गरे रुसले यूरोप जोड्न समुन्द्रमुनी बिछ्याएको ग्याँस पाइपलाइन काटिदिने धम्की दिएका थिए ।
अमेरिकाको उक्त धम्कीपछि जर्मनलगायतका यूरोपेली मुलुकहरु असन्तुष्ट भएका छन् । रुसले जर्मन हुँदै यूरोपीली देशहरुमा सस्ताेमा ग्यास पुर्याउने उद्देश्यले बाल्टिक समुन्द्रमुनी नोर्ड स्ट्रिम-२ नाम दिएर ग्यास पाइप लाइन बिछ्याएको छ । ११ अर्ब डलर खर्च गरेर बिछ्याइएको उक्त पाइप लाइन संचालनमा आउन भने बाँकी छ ।
उक्त पाइपलाइन रुसबाट सिधैं जर्मनसम्म ग्यास पुर्याउनेछ । जसले गर्दा जर्मनमा ग्यासको भाउ आधा घट्ने अनुमान गरिएको छ । जर्मन हुँदै उक्त यूरोपका अन्य देशहरुमा पनि रुसको ग्यास पुग्नेछ । रुसले यूरोपमा २० प्रतिशत मात्रै ग्यास पुर्याउन सके आधा मूल्य घटाउने बताइसकेको छ ।
रुसको यो घोषणाले उत्साहित भएका जर्मनलगायतका यूरोपेली देशहरु अमेरिकाको पछिल्लो चेतावनीबाट असन्तुष्ट बनेका छन् । अमेरिकी कदमले आफूहरुले चर्को ग्यास खरिद गर्नुपर्ने अवस्था विद्यमान रहेन भन्दै यूरोपेली देशहरु रुसको पक्षमा उभिनेबारे छलफल गरिरहेको बताइएको छ ।
अमेरिकाले नोर्ड स्ट्रिम-२ ग्याँस पाइपलाइनमार्फत् यूरोपमा प्रभाव बढाउन खोजेको भन्दै चिन्ता मानेको छ । जर्मन लगायतका देशहरु रुसको पक्षमा उभिन सक्ने भन्दै अमेरिकाले यो पाइपलाइनमा अवरोध पुर्याउन खोजेको छ । रुसले जर्मन ग्यास पुर्याउन बाल्टिक समुन्द्रमुनी १२३० किलोमिटर लामो पाइपलाइन बिछ्याएपछि अमेरिकाको टाउको दुखाई भएको छ ।
रुसले बिछ्याएको यो पाइप लाइन संचालाम आए युक्रेनले बार्षिक १ अर्ब २० करोड डलर गुमाउनेको भएकै कारण पनि अमेरिकाले निहु खोजिरहेको छ । तर अमेरिकाको यो कदमसँगै उसले यूरोपबाट साथ गुमाउदै जाने विश्लेषण हुन थालेको छ ।