काठमाडौं । कोरोना भाइरस संक्रमणको दर बढेसँगै ज्यान गुमाउनेको संख्या पनि बढेको छ । दुई हप्तापहिलेसम्म शून्यदर भएको थियो भने अहिले संक्रमितको संख्या थपिएसँगै ज्यान गुमाउनेको संख्या पनि बढिरहेको छ ।
स्वास्थ्य तथा जनसंख्या मन्त्रालयका अनुसार शनिबार कोरोना संक्रमण भइ उपचाररत १६ जनाको ज्यान गएको छ । योसँगै नेपालमा कोरोनाबाट ज्यान गुमाउनेको संख्या ११ हजार ६ सय ५१ जना पुगेको छ ।
त्यसैगरी थप १० हजार २५४ जनामा कोरोनाभाइरसको सङ्क्रमण पुष्टि भएको छ । २० हजार १८७ जनाको कोरोना परीक्षण गर्दा पीसीआर विधिबाट ८ हजार २१२ तथा एन्टिजेन विधिबाट २ हजार ४२ जनामा सङ्क्रमण पुष्टि भएको हो । यो संक्रमणदर तेस्रो लहरको सबैभन्दा धेरै भएको पनि मन्त्रालयले जनाएको छ ।
त्यस्तै, शनिबार थप ७०८ जना सङ्क्रमणमुक्त पनि भएका छन् । नेपालमा कूल सङ्क्रमितमध्ये ८ लाख २० हजार २८३ जना सङ्क्रमणमुक्त भइसकेका छन् । देशभर हाल ७२ हजार ८६२ जना सक्रिय सङ्क्रमित रहेका छन् ।
आज थप १ लाख ९६ हजार ८५७ जनाले कोरोनाभाइरस विरुद्धको खोप लगाएको स्वास्थ्य तथा जनसंख्या मन्त्रालयले जनाएको छ ।
आज पनि सबैभन्दा संक्रमित काठमाडौं उपत्यमा भेटिएका छन् ।
