काठमाडौं । मेडिकल कलेज संचालक सुनिल शर्मालाई विद्यार्थीले कालोमोसो दलेका छन् । अखिल क्रान्तिकारीका अध्यक्ष प्रकाश शाहीले सामाजि संजालमा शर्मालाई शुक्रबार सिंहदरबारभित्रै कालोमोसो दलेको जनाएका छन् ।
विद्यार्थीबाट बढी शुल्क असुल गरेको भन्दै केही दिनदेखि जारी आन्दोलनपछि शिक्षा मन्त्रालयमा शुक्रबार मेडिकल कलेज संचालकसँग छलफल भएको थियो । सोही छलफलको लागि शर्मा पनि सिंहदरबारमै रहेको बेला विद्यार्थीहरुले कालोमोसो दलेको बताइएको छ ।
शिक्षा मन्त्रालयमा भएको सर्वपक्षीय बैठक सकेर बाहिर निस्कने क्रममा मन्त्रालय परिसरमै सोही कलेजमा अध्ययनरत विद्यार्थीले शर्मालाई कालोमोसो दलेका हुन् । काठमाडौं मेडिकल कलेजमा अध्ययनरत विद्यार्थीहरुले पाँच जनाको समूहमा रहेका विद्यार्थीले कालोमोसो दलेका प्रत्यक्षदर्शीले बताए छन् ।
कालोमोसो दल्ने पाँच जना विद्यार्थीलाई प्रहरीले नियन्त्रणमा लिएको छ । उनीहरूले आयोगले तोकेको भन्दा बढी शुल्क लिएको भन्दै विरोध गर्दै आइरहेका छन् ।
शुक्रबार मन्त्रालयमा शिक्षा, विज्ञान तथा प्रविधिमन्त्री देवेन्द्र पौडेलको उपस्थितिमा भएको बैठकले चिकित्सा शिक्षा आयोगले तोकेकोभन्दा बढी शुल्क लिन नपाउने निर्णय गरेको थियो ।
- सांकेतिक तस्विर