News Portal

  • आज गुरुङ समुदायले तमु ल्होसार र सुदूरपश्चिममा ‘पुसे १५’ मनाइँदै, देशभर सार्वजनिक बिदा 

    डबली संवाददाता२०७८ पुस १५ गते
    ५७ पटक

    काठमाडौं । आज गुरुङ समुदायले ‘तमु ल्होसार’ पर्व मनाउँदैछन् । त्यस्तै सुदूरपश्चिममा आज पुस १५ मनाइँन्छ । गुरुङ समुदायमा पुरानो वर्षलाई बिदाइ गरी नयाँ वर्षलाई स्वागत गर्न तमु ल्होसार मनाउने चलन रहेको छ ।

    ‘ल्हो’ को अर्थ वर्ष र ‘सार’ को अर्थ फेरिनुभएकाले वर्ष फेरिने दिनलाई ‘तमु ल्होसार’ भनिएको हो । तमु ल्होसारलाई गुरुङ समुदायले नयाँ वर्षका रुपमा भव्यरुपमा मनाउँछन् ।

    ‘तमु ल्होसार’ पर्व सूर्यको किरणसँग सम्बन्धित छ । गुरुङ बाहुल्य रहेको लमजुङ, गोरखा, तनहुँ, स्याङ्जा, मनाङ, कास्की, पर्वत लगायत जिल्लामा सूर्यको ताप पहिले आउने भएकाले पुस १५ मा यो पर्व मनाउने गरिएको हो ।

    यसपछि क्रमशः तामाङ र शेर्पा जातिको बसोबास भएको क्षेत्रमा सूर्यको ताप आउने भएकाले माघ र फागुनमा यो पर्व मनाइने विश्वास गरिन्छ ।

    सुदूरपश्चिममा विभिन्न परिकार बनाएर रातभर खादै बसेर रमाइलाे गर्ने चलन छ । पुस १५ गतेको  रात सबैभन्दा लामो हुने र यसपछिका रात घट्दै जाने भएकाले पनि यस पर्वको महत्व रहेको बताइन्छ ।

    आज सरकारले देशभर सार्वजनिक बिदा दिएको छ ।

    प्रतिकृया दिनुहोस्