काठमाडौं । नेकपा माओवादी केन्द्रको वाग्मती प्रदेश अध्यक्षमा सरल सहयात्री पौडेल विजयी भएका छन् । माओवादी केन्द्रको नेतृत्व चयनको लागि चुनाव भएको यो पहिलो हो । अन्य प्रदेशमा पदाधिकारी नछानी छलफललाई जारी राखेको बेला बामगतीमा चुनावी प्रतिस्पर्धाबाट नयाँ नेतृत्व चयन गरिएको छ ।
सहमति नभएपछि सोमबार मतदान भएको थियो । कुल २ सय ६१ मत खसेको थियो । जसमा पौडेलले १६२ मत ल्याएर निर्वाचित भएका हुन् । उनका प्रतिस्पर्धी दिनानाथ गौतमले ८६ मत मात्र पाएका छन् ।
उपाध्यक्षमा रुपा मर्हजन, रामप्रसाद ढुङ्गाना र प्रेम बहादुर पुलामी (छिन्तु)विजयी भएका छन् । महर्जनले १७८, ढुङ्गानाले १०१ र पुलामीले १३८ मत प्राप्त गर्नुभयो । यसैगरी सचिवमा काभ्रेका इन्द्रबहादुर थिङ निर्वाचित भएको निर्वाचन समितिले जनाएको छ । उनले १४९ मत ल्याएका छन् ।
मत परिणामअनुसार कोषाध्यक्ष भट्टराईले १५३ मत प्राप्त गरेका छन् ।
