काठमाडौं । नेपाली कांग्रेसको नयाँ सभापतिमा निवर्तमान सभापति शेरबहादुर देउवाको जित सुश्चित बन्दै गएको छ । पहिलो चरणमा कसैले पनि ५० प्रतिशत मत ल्याउन नसकेपछि आज पुनः दोस्रो चरणको चुनाव हुँदैछ ।
निर्वाचन समितिका अनुसार निर्वाचन दिउँसो साढे ३ बजेदेखि सुरु हुने भएको छ । मतदान साढे ७ बजेसम्म चल्नेछ ।
यसैबीच सभापतिका प्रत्यशी प्रकाशनमान सिंह र कल्याण गुरुङले देउवालाई समर्थन गर्ने निर्णय गरेका छन् । अब दोस्रो चरणको चुनावमा शेरबहादुर देउवा र शेखर कोइरालाबीच प्रतिस्पर्धा हुने भएको छ ।
पहिलो चरणमा देउवाले २२५८ र कोइरालाले १७०२ मत पाएका थिए । अब सिंह र गुरुङले समर्थन गरेसँगै देउवाको जित सुरक्षित हुँदै गएको छ । आज विहान देउवा सिंह निवासमा पुगेका थिए । देउवासँगको भेटपछि सिंहले दोस्रो चरणको निर्वाचनमा देउवाजीलाई सहयोग गरेर जाने निर्णय गरेको जानकारी दिए ।
पहिलो चरणमा सिंहले ३७१ मत पाएर तेस्रो स्थानमा रहेका प्रकाशमान सिंह, २५० मत पाएर चौथो स्थानमा विमलेन्द्र निधिले पनि देउवालाई नै समर्थन गर्ने जनाइसकेका छन् । त्यस्तै २२ मत ल्याएर पाँचौ भएका गुरुङले पनि देउवालाई नै समर्थन गर्ने बताइसकेका छन् ।
काँग्रेसको विधानअनुसार पहिलो चरणमा ५० प्रतिशत मत कटाउन नसके पहिलो र दोस्रो मत ल्याउने उम्मेदवारीबीच पुनः चुनाव हुनेछ ।
