News Portal

  • अर्थमन्त्री ओलाफ बने जर्मनको नयाँ चान्सलर, मर्केल युगको अन्त्य

    डबली संवाददाता२०७८ मंसिर २३ गते
    ९५ पटक

    काठमाडौं । जर्मनीको चान्सलरमा वर्तमान अर्थमन्त्री ओलाफ स्चोल्ज निर्वाचित भएका छन् । विहीबार भएको संसद बैठकले ओलाफलाई चान्सलरमा निर्वाचित गरेको हो ।

    ओलाफ चान्सलरमा निर्वाचित भएसँगै एन्जेला मर्केलको उत्तराधिकारीका रुपमा उदय भएको छ । योसँगै मर्केलको कार्यकाल सकिएको छ ।

    ओलाफको पार्टी एसपीडीले गएको हप्ता ग्रिन्स एण्ड लिबरल फ्रि डेमोक्रेट (एफडीपी)सँग गठबन्धन गरेकाले ओलाफ चान्सलर बन्ने सुनिश्चित पहिले नै भएको थियो । उनी चान्सलर मर्केल नेतृत्वको पहिलो सरकारमा सन् २००७ देखि २००९ सम्म श्रम मन्त्री तथा सन् २०१५ मा अर्थमन्त्री बनेका थिए ।

    यसअघि मर्केल झण्डै १६ वर्ष निरन्तर जर्मनीको चान्सलर बनेकी थिइन् । सन् २००५ मा उहाँ जर्मनीको पहिलो महिला चान्सलर बनेकी थिइन् । मर्केलले लगातार चार कार्यकाल समालिन् । सन् १९५४ मा पश्चिम जर्मनीको ह्यामवर्गमा जन्मेकी मर्केल चान्सलर हुँदा विश्वका चर्चित तथा शक्तिशाली नेताको सूचीमा समेत परेकी थिइन् ।

    एन्जेला मर्केललाई फोर्ब्स पत्रिकाले १० वर्षसम्म विश्वको सबैभन्दा शक्तिशाली महिला घोषित गरेको थियो।

    प्रतिकृया दिनुहोस्