News Portal

  • काठमाडौंमा अखिल क्रान्तिकारीको अभियान सुरु, वैज्ञानिक शिक्षाको लागि जनमतसंग्रहको नारा

    डबली संवाददाता२०७८ मंसिर १६ गते
    ११० पटक

    काठमाडौं । अखिल क्रान्तिकारीले काठमाडौंमा अभियान सुरु गरेको छ । विप्लव नेतृत्वको नेपाल कम्युनिस्ट पार्टी निकट अखिल क्रान्तिकारीले उपत्यका विशेष क्षेत्र अन्तरगत तीनवटै जिल्लामा अभियान एक साथ सुरु गरेको छ ।

    बुधबार नेपालटारस्थित ग्रामिण कलेजमा अभियानको उद्घाटन गरिएको हो । अखिल क्रान्तिकारीले ‘बैज्ञानिक समाजवादी व्यवस्था र शिक्षाका लागि जनमतसंग्रह’ भन्ने नारासाथ अभियान सुरु गरिएको छ । अभियानको क्रममा तीनवटै जिल्लाभित्रका शैक्षिक संस्थामा विद्यार्थी नेताहरु पुगेर आम नागरिकको पहुँचमा वैज्ञानिक शिक्षामा पुर्याउन वैज्ञानिक समाजवादी व्यवस्था आवश्यक भएको र त्यसको लागि संघर्ष आवश्यक भएको कुरा लैजाने छन् ।

    अखिल क्रान्तिकारीका केन्द्रीय सदस्य तथा काठमाडौं जिल्ला इन्चार्ज गोविन्द विष्टका अनुसार अभियान तीन महिनासम्म चल्नेछ । अखिल क्रान्तिकारीले राष्ट्रिय सम्मेलनपछि देशैभरी अभियान सुरु गरेको छ ।

    उद्घाटन कार्यक्रममा संगठनका उपाध्यक्ष नरेन्द्र बिक, केन्द्रीय सदस्यहरु ललित बिक, गोविन्द विष्ट, तारा सन्ज्याल, लोकेश जोशीलगायतका विद्यार्थी नेता, नेकपाका तार्केश्वर नगर इन्चार्ज कुमार श्रेष्ठकोको पनि उपस्थिति रहेको थियो ।

    उद्घाटनमा ग्रामिण र एनआर कलेजका साथै उपत्यका विभिन्न कलेजका विद्यार्थीको सहभागिता रहेको थियो ।

    प्रतिकृया दिनुहोस्