ओखलढुंगा । यतिबेला सबै राजनीतिक पार्टीलाई आन्तरिक कामको चटारो छ । तीनै तहका निर्वाचन नजिकिँदै गर्दा राजनीतिक पार्टीलाई असार लागेझैं भएको छ ।
नेकपा एमाले र राप्रपाले राष्ट्रिय महाधिवेशन सम्पन्न गरिसकेका छन् । नेपाली काँग्रेस र नेकपा माओवादी केन्द्र पनि तयारीमै छन् । अहिले राष्ट्रिय महाधिवेशन र सम्मेलन नभएका पार्टीले अभियान सुरु गरेका छन् ।
नेपाली राजनीति फेरि अस्थिरतातिर गएको भन्दै युवाहरुमा निरासा थपिने अनुमान गरिएकै छ तर युवा पुस्ता भने राजनीतिकप्रति भएको देखिन्छ । पार्टीको आन्तरिक पंक्ति र नागरिक पनि युवा पुस्तासँगै केही आशा गरेको देखिन्छ ।
पार्टीहरुले टोलदेखि गर्दै आएका भेला तथा सम्मेलनमा युवा पुस्ताको पनि सक्रिय सहभागिता देखिएको छ । राजनीतिक पार्टीका स्थानीय तहमा भएका निर्वाचनमा १९ देखि २० वर्ष उमेर समूहका युवा पस्ताको सहभागिता र नेतृत्वमा आएको सामाचार संचारमाध्यमले सम्प्रेशण गरेका थिए ।
यसैबीच ओखलढुंगामा नेकपा माओवादी केन्द्रमा पनि युवा पुस्ता नेतृत्वमा आएको छ । जिल्लाको चम्पादेवी गाउँपालिकाको गाउँपालिका स्तरिय पार्टी कमिटीको उपाध्यक्षमा २० वर्षीया अनुशा लुइँटेल सर्वसम्मत निर्वाचित भएकी छन् । सम्भवतः उनी माओवादी केन्द्रमा निर्वाचित कान्छी उपाध्यक्ष हुन् ।
युवा पुस्ता नेतृत्वमा पुग्नु भनेको राजनीतिमा यो पुस्ताको बाहुल्यता बढ्दै जानु पनि हो ।