काठमाडौं । नेकपा (एमाले) को दशौं महाधिवेशनको आज तेस्रो दिन । आज नयाँ नेतृत्व चयन गर्नेछ । महाधिवेशको वन्दसत्रको पहिलो दिनमा नै नयाँ चयन गर्ने जिम्मा अध्यक्ष केपी शर्मा ओलीलाई दिएको थियो ।
अब सुरु हुने बन्दसत्रमा ओलीले नेतृत्वको प्रस्ताव गर्ने तयारी गरेका छन् । सहमतिका साथ नेतृत्व चयन गर्ने भन्दै ओलीकै प्रस्तावमा केन्द्रीय सदस्य र पदाधिकारी थप गरिएको छ ।
सर्वसम्मत गराउने निर्णय नमान्ने उपाध्यक्ष भीम रावलले बताइरहेका छन् । अहिले पनि रावलले अध्यक्षमा चुनाव लडेरै जाने बताइरहेका छन् ।
स्रोतका अनुसार ओलीले वरिष्ठ उपाध्यक्ष इश्वर पोखरललाई नै बनाउने निर्णय गरेका छन् । यसअघि रावललााई वरिष्ठ उपाध्यक्ष दिएर सहमति गर्नुपर्ने बहस पनि भएको थियो ।
वर्तमान महासचिवसमेत रहेका पोखरलको प्रतिद्वन्द्विको रुपमा स्थायी कमिटी सदस्य तथा पूर्वसभमुख सुवास नेम्वाङले पनि उम्मेदवारी दिने चर्चा थियो । तर ओलीले सर्वसम्मत पदाधिकारी चयन गर्ने भन्दै नेम्वाङलाई व्याक गराएका हुन् । उनि पोखरेलपछिका उपाध्यक्ष बन्ने भएका छन् ।
त्यसैगरी उपाध्यक्षमा रामबहादुर थापा, बादल, विष्णु पौडेल, सुरेन्द्र पाण्डे, भीम रावल र अष्टलक्ष्मी शाक्य, महासचिवमा शंकर पोखरेल, उपमहासचिवमा प्रदीप ज्ञवाली, टोपबहादुर रायमाझी र घनश्याम भुसाललाई ल्याउने ओलीले तयारी गरेका छन् । रावल र भुसालले आफूहरु ओलीले दिएको भन्दै लडेरै आएको परिणाम स्वीकार गर्ने बताइरहेका छन् ।
