सुर्खेत । मुगुको सदरमुकाम गमगढीमा भीषण आगलागी भएको छ । प्रहरीका अनुसार आगलागीमा २१ वटा घर जलेर पूर्ण नष्ट भएका छन् ।
प्रमुख जिल्ला अधिकारी रोमबहादुर महतका अनुसार गएराति साढे १२ बजेतिरबाट खिम्मे लामाको घरमा बालेको दियोबाट आगलागी सुरु भएको थियो ।
सुरक्षाकर्मीहरुले स्थानीयको सहयोगमा बिहान साढे ४ बजे आगो केही नियन्त्रणमा लिएको थियो । साँघुरो र बाक्लो बजारका कारण धेरै नोक्सानी भएको प्रारम्भिक अनुमान गरिएको छ ।
आगलागीमा मानवीय क्षति भएको छैन भने पूर्ण विवरण नआएपनि करोडौंको क्षति भएको अनुमान गरिएको छ ।