काठमाडौं । नेपाल कम्युनिस्ट पार्टीले आह्यवान गरेको नेपाल बन्दले देशभरको जनजीवन ठप्प भएको छ । पेट्रोलियम पदार्थको मूल्यवृद्धि फिर्ताको माग गर्दै विप्लव नेतृत्वको नेकपाले बन्द आह्वान गरेको थियो ।
बन्दका कारण राजधानी काठमाडौंसहित लामो र छोटी दुरीमा चल्ने सार्वजनिक तथा निजि सवारी साधन चलेका छैनन् । त्यस्तै, उद्योग, बजार, शैक्षिक संस्था ठप्प छन् ।
सडकमा बन्दकर्ता नाराबाजी गरिरहेका छन् । यसअघिका बन्दमा नेकपाका कार्यकर्ता सडकमा आउन नसक्ने भएका कारण यातायातका साधन चलेपनि यस पटक भने सडक सुनसान छन् ।
देशभरबाट प्रहरीले बन्द गराउँदै हिडेका नेकपा केन्द्रीय सदस्यसहित दुई दर्जन नेता कार्यकर्तालाई नियन्त्रणमा लिएको छ । काठमाडौंबाट विहानै ६ जनालाई प्रहरीले नियन्त्रणमा लिएको छ । काभ्रेबाट नेकपाका केन्द्रीय सदस्य मोहलाल चन्दसहित १३ जनालाई प्रहरीले गिर.फ्तार गरेको छ ।
प्रहरीका अनुसार साँखु र महाराजगञ्जबाट नेकपाका काठमाडौं जिल्ला सदस्य रामकृष्ण गिरी, भुवन तामाङ र सुकबहादुर तामाङपसहित पक्राउ परेका छन् ।
