काठमाडौं । अखिल (क्रान्तिकारी) का अध्यक्ष हरिकृष्ण गजुरेलले जनताको दैनिकीलाई नै संकटपूर्ण बनाउने नेपाल सरकार र आयल निगम दलालहरुको मतियार भएको आरोप लगाएका छन् ।
सोमबार राजधानीको संवाद डबलीले पेट्रोलियम पदार्थ मूल्यवृद्धि र जारी आन्दोलनबारे गरेको अन्तरसंवाद कार्यक्रममा बोल्दै अध्यक्ष गजुरेलले कर घटाएर भएपनि मूल्य तत्काल फिर्ता गर्न चेतावनी दिए ।
नेकपा (क्रान्तिकारी माओवादी) निकट अखिल क्रान्तिकारीका अध्यक्ष गजुरेलले विद्यार्थी र जनताले आन्दोलन गर्दा पनि सरकारले कानमा तेल हालेर बसे त्यसको भयावह अवस्था आउने र सम्पूर्ण जिम्मेवारी सम्बन्धित पक्षले लिनुपर्ने बताए ।
अध्यक्ष गजुरेलले आयल निगम माफिया र तस्करहरुको लुटि खाने आधार भएको र त्यसलाई तत्काल पुनर्संरचना गर्नसमेत उनले सरकारसँग माग गरे । उनले मूल्यवृद्धि फिर्ता नभएसम्म आफूहरुको आन्दोलन जारी रहेन समेत बताए ।
