News Portal

  • एकाएक रक्तचाप बढेपछि प्रचण्ड मेडिसिटी अस्पताल भर्ना, कस्तो छ अवस्था ?

    डबली संवाददाता२०७८ कात्तिक २७ गते
    ७७ पटक

    काठमाडौं । नेकपा माओवादी केन्द्रका अध्यक्ष प्रचण्ड अस्पताल भर्ना भएका छन् । शनिबार एकाएक रक्तचाप बढेपछि उनी ललितपुरको मेडिसिटी अस्पतालमा भर्ना गरिएको हो ।

    पछिल्लो दिनमा पार्टीका कार्यक्रमको सिलसिलमा प्रचण्ड कर्णालीदेखि पूर्वी नेपालका भोजपुर पुगेका थिए । कर्णालीबाट फर्केलगत्तै प्रचण्ड काठमाडौंमा पार्टी प्रवेशदेखि भोजपुरका पार्टीका कार्यक्रमम पुगेका थिए ।

    कर्णाली प्रदेशका उच्च हिमाली क्षेत्रदेखि पूर्वी पहाडी जिल्ला भोजपुरको विभिन्न कार्यक्रमहरुमा निरन्तर सहभागिता जनाउने क्रममा भएको धपेडी र चापका कारण रक्तचाप बढेको प्रचण्डको सचिवालयले जनाएको छ ।

    अहिले प्रचण्डको रक्तचाप विस्तारै नियन्त्रणमा आइसकेको भएको बताइएको छ । केही घण्टा अस्पतालमै आराम गराएर डिस्चार्ज गर्ने तयारी भइरहेको छ ।

    प्रतिकृया दिनुहोस्