News Portal

  • सेती नदीको बाढीले डुबानमा परेको ढुंगाड बस्तीको के छ पछिल्लो अवस्था ?

    डबली संवाददाता२०७८ कात्तिक २ गते
    ५५ पटक

    धनगढी । लगातारको बर्षासँगै सेती नदीमा आएको बाढीले डुबानमा परेको बैतडीको ढुंगाड बस्ती अहिले पनि सम्पर्क बाहिर छ । १० घर परिवारका कम्तिमा पनि ६० जना रहेको उक्त बस्तीको चारैतिर नदीको पानी छ ।

    सिगास गाउँपालिका –५ को ढुंगाड बस्ती सोमबार रातीदेखि नेपाल टेलिकम र एनसेलको नेटवर्कले पनि काम गर्न छोडेको छ । बैतडीका सहायक प्रमुख जिल्ला अधिकारी खगेन्द्र भारतीका अनुसार उक्त बस्ती सम्पर्क बाहिर गएपछि शिवलिङ प्रहरी चौकीबाट प्रहरीको टोली त्यसतर्फ लागेको छ । प्रहरी चौकीबाट ढुंगाड पुग्न करिब ५ घण्टा समय लाग्छ ।

    प्रहरी ढुंगाड पुगेपछि मात्रै थप जानकारी हुने बताइएको छ । सोमबार राती नै ढुंगाडमा दर्जनौं घर डुबानमा परेका थिए । उक्त बस्तीमा पसेको बाढीबाट के कति क्षति पुगेको छ भन्ने कुरा यकिन हुन सकेको छैन ।

    बैतडीमा सोमबार रातीदेखि विद्युत र टेलिकमको सेवा अवरुद्ध हुँदा जिल्लाको टेलिफोन सेवा अवरुद्ध बनेका कारण थप समस्या भएको छ ।

    • तस्विरः ललिता धामी
    प्रतिकृया दिनुहोस्