News Portal

  • भारतले जित्यो साफ च्याम्पियनसिपको उपाधि, नेपालले एक गोल गर्न पनि सकेन

    डबली संवाददाता२०७८ असोज ३१ गते
    ६९ पटक

    काठमाडौं । साफ च्याम्पियनसिप फुटबलको उपाधि भारतले जितेको छ । माल्दिभ्सको राष्ट्रिय रङ्गशालामा शनिबार राति  १३ औँ संस्करणको  अन्तिम खेलमा भारतले नेपालविरुद्ध ३-० गोल गर्दै उपाधि हात पारेको हो ।

    साफ च्याम्पियनसिपको फाइनलमा पहिलो पटक पुगेको नेपालले उपाधिको लागि भएको खेलमा एक गोल गर्न पनि सकेन ।  खेलकाे पहिलो हाफ गोलरहित बराबरी रहेको थियो ।

    भारतले पहिलो हाफलगत्तै दुई मिनेटको अन्तरमा दुई गोल गरेको थियो भने खेलको अन्तिम विन्दुमा पुग्दा अर्को गोल गरेर तीन गोलको अग्रता लियो । खेलको ४८औँ मिनेटमा भारतीय टोलीकाकप्तान सुनिल क्षेत्री र ५०औँ मिनेटमा सुरेश सिंहले गोल गरे भने ८९ मिनेटमा सहाद अब्दुलले गोल गरे ।

    यसअघि साफको फाइनलमा पुग्न नसकेको नेपालले यसपटकको साफमा फाइनल पुगेर इतिहास बनाएको थियो । तर उपाधि जितेर अर्को इतिहास बनाउन भने नेपाल चुकेको हो । सन् २०१३ मा नेपालमा भएको साफमा नेपालले भारतलाई २–१ ले पराजित गरेको थियो । त्यसयता भारतविरुद्ध खेलेका ९ मध्ये नेपाल ७ खेलमा पराजित भएको छ भने २ खेल बराबरीमा सकिएका छन् ।

    प्रतिकृया दिनुहोस्