काठमाडौँ । सत्तारुढ दलहरुले आफ्नो भागमा परेका मन्त्री छानिसकेका छन् । आकांक्षी धेरै र मन्त्रालय थोरै भएपछि दलहरुलाई मान्त्री छान्न निकै सकस भएको थियो ।
आज साँझ ४ बजेको लागि शपथ समयको टुंगो लागिसक्दा पनि नेपाली काँग्रेसको रामचन्द्र पौडेल समूहले अझै मन्त्री छान्न सकेको छैन ।
जनता समाजवादी पार्टीले बल्लबल्ल मन्त्रीको टुंगो लगाएको छ । मन्त्री छान्ने जिम्मा अध्यक्ष उपेन्द्र यादवलाई जिम्मा दिइएको भएपनि नेताहरुबीच सन्तुलन मिलाउनु पर्ने भएकोले मन्त्री छान्न ढिला भएको नेताहरुले बताएका छन् ।
जसपाका शीर्ष नेताहरुले सरकारको नेतृत्व राजेन्द्र श्रेष्ठले गरी चार मन्त्रीको नाम तय गरेका छन् । जसमा रेणु यादव, रामसहाय यादव र प्रमोद साह मन्त्री बन्ने निश्चित भएको छ ।
यसैबीच नेकपा एकृकीत समाजवादीकी नेतृ रामकुमारी झाँक्रीले स्वास्थ्य तथा जनसंख्या मन्त्रालय समाल्ने भएपनि अन्तिममा आएर यसअघिको निर्णय बदलिएको छ ।
एकीकृत समाजवादीका नेता विरोध खतिवाडाले स्वास्थ्य तथा जनसंख्या मन्त्रालयले समाल्ने भएका छन् भने नेता झाँक्रीले पर्यटन मन्त्रालयको जिम्मेवारी पाएकी छन् ।
