काठमाडौं । नेकपा (एकीकृत समाजवादी) ले चार उपाध्यक्षसहित पदाधिकारीको टुंगो लगाएको छ । विभाजनपछि पदाधिकारी छान्न सकस भएको एकीकृत समाजवादीले विहीबार पदाधिकारीको टुंगो लगाएको हो ।
एकीकृत समाजवादीले चार उपाध्यक्ष, एक महासचिव, तीन उपमहासचिव र चार सचिव चयन गरेको छ । अध्यक्ष माधव कुमार नेपालसहित १३ पदाधिकारी बनेका छन् ।
बैठकले ३०१ सदस्यीय केन्द्रीय कमिटी गठन गरेको छ । ३५ सदस्यीय स्थायी कमिटी र ७१ सदस्यीय पोलिटब्युरो कमिटी पनि गठन गरिएको छ ।
यस्तै, पार्टीमा सातजना उपाध्यक्ष चयन गरिएको छ । जसमा उपाध्यक्षहरु राजेन्द्र पाण्डे, प्रमेश हमाल, घनेन्द्र बस्नेत, केदार न्यौपाने, केशवलाल श्रेष्ठ, धर्मनाथप्रसाद साह र जयन्ती राईलाई बनाउने निर्णय गरेको छ ।
त्यसैगरी उपमहासचिवमा गंगालाल तुलाधर, प्रकाश ज्वाला र विजय पौडेल छन् भने सचिवहरुमा केशवलाल श्रेष्ठ, जगनाथ खतिवडा, नागेन्द्रप्रसाद चौधरी र रामकुमारी झाँक्री चयन भएका छन् ।
त्यसैगरी एकीकृत समाजवादीले झलनाथ खनाललाई वरिष्ठ नेता र मुकुन्द न्यौपानेलाई नेता चयन गरेको छ ।
पदाधिकारीलाई केन्द्रीय समितिबाट अनुमोदन गर्ने बताइएको छ ।
