काठमाडौं । नेकपा (एकीकृत समाजवादी) को पहिलो केन्द्रीय कमिटी बैठक जारी छ । काठमाडौँको बुद्धनगरस्थित क्वालिटी बैंक्वेटमा बसेको बैठकमा आज दिउँसोबाट सुरु भएको थियो ।
बैठकमा वरिष्ठ नेता झलनाथ खनालले राजनीतिक प्रस्ताव पेश गर्नुको साथै केन्द्रीय समिति विस्तारलगायतका विषयमा पनि छलफल हुने भएको छ । त्यस्तै, आवधिक कार्ययोजना, समसामयिक प्रस्तावहरूमाथि छलफल गरेर बैठक टुंगिने नेता जगन्नाथ खतिवडाले बताए ।
एमालेसँग विभाजनको ५७ जना केन्द्रीय सदस्यको हस्ताक्षर सनाखत गराइएको थियो । अब त्यसमा थप हुने प्रचार विभाग प्रमुख खतिवडाले जानकारी दिए ।
त्यसैगरी सरकारमा सहभागी हुने र प्रदेश १ र बागमती प्रदेशमा आफ्नो नेतृत्वमा सरकार गठन गर्ने विषयमा पनि बैठकमा छलफल हुने बताइएको छ । यही बैठकबाट सरकारमा सहभागी हुने मन्त्रीको पनि मोटामोटी टुंगो लगाउने नेताहरुले बताएका छन् ।
