काठमाडौँ । नेपाल कम्युनिस्ट पार्टीको केन्द्रीय समिति बैठक जारी छ । तनहुँको बन्दीपुरमा विहीबार सुरु भएको ११ औं पूर्ण बैठक आज पनि जारी छ ।
बैठकमा महासचिव विप्लवको राजनीतिक प्रस्तावमाथि केन्द्रीय समिति सदस्यहरुले धारणा राखिरहेका छन् । साथै, उनीहरुले आफ्नो कार्यक्षेत्रको रिपोर्टिङ पनि गरिरहेका छन् । नेकपा केन्द्रीय सदस्यहरुलाई जिल्ला इन्चार्जको जिम्मेवारी दिएको छ ।
सरकारसँग तीन बुँदे र प्रतिबन्ध हटाएपछि थप गरिएको केन्द्रीय समितिको यो पहिलो बैठक हो । बैठकले पार्टीका आगामी कार्यक्रम, महाधिवेशन, सरकारसँग गरेको तीन बुँदे सहमतिलगायतका विषयमा बैठकले नयाँ निर्णय गर्नेछ ।
बैठकमा महासचिव विप्लवले पेश गरेका राजनीतिक प्रतिवेदन केन्द्रीय सदस्यहरुलाई अध्ययन गर्न दिइएको थियो । अध्ययनपछि सुरु भएको बैठकमा राजनीतिक प्रतिबेदनमा छलफल जारी छ ।