News Portal

  • काठमाडौँबाट ओखलढुंगा जाँदै गरेको जीप बोक्से भीरबाट तामाकोशीमा खस्यो, चालकसहित ३ जनाको ज्यान गयो,

    डबली संवाददाता२०७८ भदौ ३१ गते
    ४२ पटक

    काठमाडौँ । रामेछापमा जीप दुर्घटना भएको छ । काठमाडौँबाट ओखलढुङ्गा जाँदै गरेको बोलेरो जिप रामेछापको मन्थलीमा दुर्घटना हुँदा चालकसहित तीन जनाको ज्यान गएको छ ।

    विहीबार विहान काठमाडौँबाट खिजीफलाटेका लागि छुटेको प्रदेश नम्बर३–०१–०२३च ३५१३ सामान बोक्ने बोलेर दुर्घटना हुँदा चालक लाक्पा शेर्पासहित तीन जनाको घटनास्थलमै प्रहरीले जनाएको छ ।

    प्रहरीका अनुसार मन्थली नगरपालिका–१ कुनौरी, बोक्सेको भिरमा भएको दुर्घटनामा जिपचालक ओखलढुङ्गाको खिजदेम्बा गाउँपालिका–६ का लाक्पा शेर्पा, उनकी श्रीमती फुर्वा शेर्पा र सवारी धनी वाङसेन शेर्पाको घटनास्थलमै मृत्यु भएको छ ।

    दुर्घटनामा एक बालक गम्भीर घाइते भएका छन् । गम्भीर घाइते हुनेमा १२ वर्षीय पेम्बा शेर्पा रहेका छन् । बोलेरो खुर्कोट–मन्थली सडकखण्डको हात्तीटार (बोक्से) भिरबाट तामाकोशी नदीमा खसेको थियो ।

    प्रतिकृया दिनुहोस्