काठमाडौं । विप्लव नेतृत्वको नेपाल कम्युनिस्ट पार्टी, मोहन वैद्य नेतृत्वको नेकपा (क्रान्तिकारी माओवादी), नेकपा (माले)सहित २२ दलीय मोर्चाले एमसीसीविरुद्ध सडक आन्दोलन गर्ने भएका छन् । मोर्चाको तर्फबाट माओवादी केन्द्रका स्थायी समिति सदस्य सीपी गजुरेलले आइतबार एक एक विज्ञप्ति जारी गरेर एमसीसी सम्झौताविरुद्ध देशव्यापी आन्दोलन चर्काउने उद्घोष गरेका छन् ।
गजुरेलले आह्वान गर्दै प्रेस नोटमा भनेका छन्, “अमेरिकी सरकारद्वारा प्रायोजित राष्ट्रघाती एमसीसी परियोजना नेपालको संसदबाट अनुमोदन गराउने प्रयास देशभक्तहरुको विरोधका कारण अहिलेसम्म सफल हुन सकेको छैन । त्यसैको निमित्त थप दबाब सिर्जना गर्नको लागि उक्त परियोजनाकी उपाध्यक्षलगायतका पदाधिकारीको लस्कर नेपाल आउँदैछ । त्यो भ्रमण हाम्रो राष्ट्रिय हित विपरित हुने भएकाले हामीले यसको खारेजीको माग गर्दर्छौ । यदि त्यसो गरिएन भने त्यसका विरुद्ध विरोध प्रदर्शनहरुको आयोजना गरिनेछ ।” उनले उक्त कार्यक्रममा सहभागिताको लागि तयार रहन समपूर्ण देशभक्तहरुलाई आह्वान गर्दछौं ।
मोर्चासमा सहभागी राष्ट्रिय जनमोर्चाका अध्यक्ष चित्रबहादुर केसीले एमसीसी खारेजीको लागि उक्त कार्यक्रम तथा विरोध प्रदर्शनमा सहभागी हुन अपील समेत गरेका छन् । उनले एमसीसी देश र जनताको हितमा नभएको भन्दै त्यसको विरोध गर्नुपर्ने बताए ।
