![](https://onlinedabali.com/wp-content/uploads/2021/09/240928255_209863971123665_8996852078027427457_n.jpg)
पोखरा । अखिल (क्रान्तिकारी) कास्की जिल्ला अध्यक्ष पवन पुन ‘पुरन’ले वर्तमान सरकार जयसिंह धामीको न्याय र सीमानामा भारतिय हेलिकप्टरले गस्ति गरिरहेको विषय भन्दा पनि राष्ट्रघाति एम्सीसी पास गर्न तिर अग्रसर भएको र सो कार्य नगर्न चेतावनी दिएका छन् । युवा संगठन नेपाल र अखिल (क्रान्तिकारी) कास्कीको संयुक्त आयोजनामा शनिबार पोखरामा विरोध प्रदर्शन कार्यक्रममा उनले सो चेतावनी दिएका हुन् ।
हालै नेपाली सिमा क्षेत्रमा भारतीय हेलिकप्टरको हवाई गस्ती गरेको, भारतीय विदेश मन्त्रालयका प्रवक्ताको नेपालप्रतिको हेपाहा अभिव्यक्ति र जयसिंह धामीको हत्याको विरोधमा उनिहरुले विरोध प्रदर्शन गरेका थिए । पोखराको पृथ्वीनारायण क्याम्पस गेटअघि निकालिएको विरोध प्रदर्शनमा अखिल (क्रान्तिकारी) केन्द्रिय सदस्य अटल लगायतले सम्बोधन गरेका थिए भने कार्यक्रमको सञ्चालन अखिल (क्रान्तिकारी) पिएन क्याम्पस समितिका अध्यक्ष उपेन्द्रले गरेका थिए ।