आज :

काबुल घटनामा ३० अमेरिकी सैनिकसहित ६० जनाको ज्यान गयो, सयौं घाइते

काठमाडौं । अफगानिस्तानको राजधानी काबुलमा भएको आत्मघाती बम विस्फोटमा परी ३० अमेरिकी सैनिकसहित ६० जनाको ज्यान गएको स्थानीय संचारमाध्यमहरुले समचारमा उल्लेख गरेका छन् । बिहीबार साँझ काबुलमा रहेको हमिद कारजाई अन्तर्राष्ट्रिय विमानस्थलको गेटमा घटना भएको थियो ।

उद्धारमा खटिएका अमेरिकी सैनिकलाई लक्षित गर्दै गरिएको बताइएको छ । उक्त घटनामा अमेरिकी सैनिकसहित विदेशी नागरिकको ज्यान गएको छ । केही बालबालिकाले समेत ज्यान गुमाएका छन् । प्रत्यक्षदर्शीहरूले बिस्फोटस्थल वरपर महिला, बालबालिका र पुरुषहरूका शव छरपस्ट परेको बताएका छन् ।

अगस्ट ३१ मा अफगानिस्तानबाट फिर्ता हुन लागेको अमेरिकी सैनिकले जाँदाजाँदै भोगेको यो वर्षौंपछिको ठूलो मानवीय क्षति हो । अमेरिकी रक्षा मन्त्रालय तेपेन्टागनको विरोध जनाएको छ ।

यसैबीच अमेरिकी राष्ट्रपति जो वाइडनले घटनामा आफ्नो ठूलो क्षति भएको भन्दै माफी नदिने चेतावनी दिएका छन् । घटनापछि ह्वाइटहाउसबाट सम्बोधन गर्दै बाइडेनले अमेरिकीहरूको ज्यान लिनेलाई नछोड्ने बताएका थिए ।

सन् २०११ को अगस्टमा अमेरिकी सैनिकको एक हेलिकप्टर खसाल्दा ३० सैनिकले ज्यान गुमाएका थिए । त्यसपछि अफगानिस्तानमा कुनै एउटै घटनामा यति धेरै अमेरिकी सैनिकको मृत्यु भएको थिएन ।

बिहीबार साँझको बिस्फोटको जिम्मा मुस्लिम आतंकवादी समूह स्लामिक स्टेटले लिएको छ । अफगानिस्तानमा रहेका आफ्ना समर्थकहरूका लागि उक्त बिस्फोट गरिएको उक्त समूहले बताएको छ ।

यसअघि बिहीबार बिहानै अमेरिका, बेलायत, अष्ट्रेलियालगायत मुलुकले गुप्तचरको सूचनाका आधारमा काबुल विमानस्थलमा आतंकवादी हमला हुन सक्ने भएकाले सचेत रहन आफ्ना नागरिकलाई आग्रह गरेका थिए ।

अगस्ट १५ मा विद्रोही समूह तालिबानले काबुल कब्जा गरेपछि अमेरिकी र नाटो सैनिकले विदेशी र अफगान नागरिकको उद्धारका लागि काबुल विमानस्थल सञ्चालन गरिरहेका छन् । तालिबान काबुल पसेपछि बिहीबार पहिलो पटक काबुलमा यति ठूलो आक्रमण भएको हो ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal