काठमाडौँ । नेपाल कम्युनिस्ट पार्टीका महासचिव विप्लवले हालै रिहाई भएका नेता भरत बम ‘रणवीर’लाई स्वागत गरेका छन् । नेता रणवीर २८ महिना लामो जेल बिताएर हालै रिहा भएका थिए ।
नेता रणवीरलाई विप्लवले पार्टीको केन्द्रीय सम्पर्क कार्यालय कपिलबस्तुमा मंगलबार साँझ स्वागत गरेका थिए । रिहापछि कपिलबस्तु पुगेका नेता रणवीरलाई स्वागतपछि विप्लव निवासमै छलफल भइरहेको छ ।
नेकपा स्रोतका अनुसार नेता रणवीरले जेल जीवनका अनुभव र भोगाई महासचिव विप्लवलाई सुनाएका थिए । त्यस्तै, विप्लवले पार्टीका पछिल्ला निर्णय, तीन बुँदे सहमति र आगामी कार्यक्रमबारे जानकारी गराएको बताइएको छ ।
