आज :

२० बर्षपछि तालिवान पुनः सत्तामा, अमेरिकी ‘कटपुतली’ राष्ट्रपति गनीले देश छोडे

काठमाडौँ । तालिवान २० वर्षपछि फेरि सत्तामा आएको छ । सन् २००१ सेक्टेबर ११ को घटनापछि अमेरिकी नेतृत्वको सेनाले हमलाका कारण सत्ताच्युत भएको तालिवानीहरुले आइतबार राति अफगानिस्तान पूर्णरुपमा कब्जामा लिए ।

तीब्र गतिमा देशका धेरै भूभाग नियन्त्रणमा लिएको तालिवानीहरु आइतबार विहान राजधानी काबुल छिरेका थिए । शान्तिपूर्ण सत्ता हस्तान्त्रणको लागि केही समय दिएर काबुल गेटमा रोकिएका थिए तालिवानी समूहका लडाकुहरु । तर, अमेरिकी कटपुतली राष्ट्रपति अशरफ गनीले औपचारिक रुपमा सत्ता हस्तान्त्रण गर्न तयार नभएपछि तालिवानीहरु काबुल छिरेका थिए ।

सरकारको तर्फबाट तालिबानसँग वार्ताका लागि जिम्मेवार निकायका प्रमुख डा. अब्दुल्लाह अब्दुल्लाहले गनीले देश छाडेको पुष्टि गरेका छन् । उनले गनीलाई पूर्व राष्ट्रपति भएको बताए । देश छोड्नु गैरजिम्मेवारीपन भएको बताए । उनको मूल्यांकन राष्ट्रले गर्ने समेत बताए । अफगान उपाराष्ट्रपति पनि भागेको हुनसक्ने बताइएको छ ।

तालिवानीहरु राजधानी काबुल छिरेसँगै स्थानीयहरु खुशी भएका थिए र ठाउँठाउँमा झण्डा फराएर स्वागत गरेका थिए । सरकारी सुरक्षाकर्मीहरुले तालिवाविरुद्ध लड्न छोडिदिए ।

सरकारी सुरक्षकर्मीहरुले प्रतिकार नगरेपछि काबुल छिरेको केही समयमै तालिवानीहरुले सम्पूर्ण क्षेत्र नियन्त्रणमा लिएको घोषणा गरे । राष्ट्रिपति कार्यालय कब्जामा लिएपछि तालिबानका प्रवक्ताले अल जजिरासँग बोल्दै अफगानिस्तानमा युद्ध सकिएको बताए । उनले देशको मुक्ति अनि हाम्रा जनताको स्वतन्त्र भएको बताए । उनले अब फेरि विदेशी शक्तिहरूले अफगानिस्तानमा तिनको विगतको विफल अनुभव नदोहो¥याउने आफूहरूले ठानेको बताए ।

तालिवानले काबुल नियन्त्रणमा लिनुभन्दा पहिलै राष्ट्रपति गनीले देश छोडेर भागिसकेका थिए । तालिवानीहरु काबुल गेटमा पुग्दा आफ्नो कार्यालयमै रहेका गनी राष्ट्रपति हतार हतार उज्बेकिस्तानतर्फ लागेका थिए । गनीले तालिवानले बलपूर्वक जितेको भन्दै अब अफगान जनताको इमान, सम्पत्ति तथा आत्मसम्मान रक्षा गर्ने जिम्मा पनि तिनैको भएको बताए ।

अमेरिकी छत्रछायाँको सरकारको अन्त्य भएको छ । अमेरिकालगायतका पश्चिमा देशका ठेकेदारहरु काबुलबाट भागिरहेका छन् ।
आफ्नो नागरिक लैजान अमेरिकाले काबुलस्थित अन्तर्राष्ट्रिय विमानस्थलमा ६ हजार सेना खटाएको छ । अमेरिकी दुतावास पनि विमानस्थलमै सारिएको छ ।

अमेरिकासहित पश्चिमा देशहरूले हतारहतार आफ्ना नागरिक तथा अन्यको काबुलबाट उद्धार गरिरहेको बताइएको छ । तालिबानले राष्ट्रपति भवन आफ्नो नियन्त्रणमा लिएको विवरणहरू सार्वजनिक भएका छन्।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal