बुटवल । लुम्बिनी प्रदेशका नेकपा (माओवादी केन्द्र) नेता कुलप्रसाद केसी ‘सोनाम’ नियुक्त भएका छन् । माओवादी केन्द्रका प्रदेशसभा दलका नेता समेत रहेका सोनामलाई प्रदेश प्रमुख अमिक शेरचनले केसीलाई बिहीबार मुख्यमन्त्री नियुक्त गरेका हुन् ।
सोनामलाई समर्थन गर्दै प्रदेशसभा ४२ जना सदस्यले हस्ताक्षरसहित आजै सोनामले मुख्यमन्त्रीमा दाबी पेश गरेका थिए । शेरचन प्रदेश प्रमुखमा नियुक्त भएपछि नेपाली काँग्रेस र माओवादी केन्द्र र जनता समाजवादी पार्टीले निवर्तमान मुख्यमन्त्री शंकर पोखरेलविरुद्ध दर्ता गरेको अविश्वास प्रस्ताव अगाडि बढाउँदै संसदको विशेष अधिवेशन बोलाएका थिए ।
कांग्रेस र माओवादीबीच आठ–आठ महिना सरकारको नेतृत्व गर्ने सहमति भएको छ ।
जनमुक्ति सेनाका डिभिजन कमिसार समेत भएका सोनामले आजै शपथ लिने तयारी भइरहेको छ । सोनामले सानो आकारको मन्त्रिपरिषद् गठन गर्ने तयारी गरेका छन् ।
