आज :

अस्पताल पुगेर विप्लवले सुदर्शनको स्वास्थ्य अवस्थाबारे जानकारी लिए

काठमाडौँ । नेपाल कम्युनिस्ट पार्टीका महासचिव विप्लव अस्पताल पुगेर सचिवालय सदस्य हेमन्तप्रकाश ओली ‘सुदर्शन’ को स्वास्थ्य अवस्थाको बारेमा जानकारी लिएका छन् ।

मुटुमा समस्या उत्पन्न भएपछि केही दिनदेखि सहिद गङ्गालाल राष्ट्रिय हृदयरोग केन्द्रमा उपचाररत सुदर्शनलाई विप्लवले मंगलबार भेटेर स्वास्थ्य अवस्थाबारे जानकारी लिएका हुन् । भेटमा विप्लवले सुदर्शनसँग वर्तमान राजनैतिक अवस्था बारेमा छोटो कुराकानी गरेका थिए ।

तत्कालिन नेकपाको मध्य केन्द्रीय कमान्डको जिम्मेवारीमा रहेको बेला २०७५ चैत ९ गते काभ्रेको खानीखोलाबाट गिरफ्तार परेका सुदर्शन बिरामी परि गङ्गालाल अस्पतालमा भर्ना भएका हुन् ।

फरक राजनैतिक आस्थाका कारण हाल नक्खु कारागारमा बन्दी बनाइएका सुदर्शन एक हप्ता अगाडि बिरामी परेको र उनलाई शुक्रबार गङ्गालाल हृदयरोग केन्द्रमा पुर्याएर उपचार थालिएको थियो । उनको स्वास्थ्यमा खासै सुधार नभएपछि उनलाई आइतबार सधन कक्षमा लगेर उपचार थालिएको छ । उनको उपचारमा सङ्लग्न चिकित्सकहरूका अनुसार शुक्रबार सम्ममा सुदर्शनको स्वास्थ्य अवस्थाको बारेमा एकिन जानकारी हुनेछ ।

विगत १५ बर्षदेखि मुटु, प्रेसर, सुगर, कोलेस्टेरोल र प्रोस्टेटको औषधि सेवन गरिरहेका नेता सुदर्शनको पछिल्लो समय स्वास्थ्य अवस्था निकै कमजोर बन्दै गएको भन्दै उनको परिवारजन र नेताकार्यकर्ता समर्थक शुभचिन्तकहरूले रिहाइको माग गरेका छन् ।

सुदर्शनको स्वास्थ्य अवस्थाको बारेमा जानकारी लिन नेकपा (क्रान्तिकारी माओवादी) का महासचिव मोहन वैद्य ‘किरण’, नेकपाका प्रवक्ता प्रकाण्ड, सचिवालय सदस्य धर्मेन्द्र बास्तोला ‘कञ्चन’ लगायतका नेताहरू अस्पताल पुगेका थिए ।

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal