काठमाडौँ । नेपाल कम्युनिस्ट पार्टीका नेता भरत बम ‘रणवीर’ लाई अस्पताल भर्ना गरिएको छ । केन्द्रीय कारागारमा रहेका रणवीरलाई मुटुमा समस्या देखिएपछि शहिद गंगालाल राष्ट्रिय हृदयकेन्द्रमा लगिएको थियो ।
नेता रणवीरलाई सोमबार विहान गंगालाल अस्पताल लगिएको थियो । मुटुको अवस्था जाँच गरेर फिर्ता गरिएको थियो । अहिले रणवीरलाई सुन्धारास्थित केन्द्रीय कारागारको अस्पतालमा फिर्ता लगिएको छ ।
केन्द्रीय कारागार स्रोतका अनुसार अहिले रणवीरको स्वास्थ्य अवस्था स्थीर रहेको छ । उनको उपचार कारागार अस्पतालमा नहुने र थप उपचार गंगालालमै गराउने लैजाने कारागार स्रोतले जानकारी दिएको छ ।
नेकपाका अर्का नेता हेमन्तप्रकाश ओली ‘सुदर्शन’ लाई साइलेन्ट हर्ट अट्याक भएपछि गंगालालमै उपचार भइरहेको छ । स्वास्थ्यमा थप समस्या देखिएपछि सुदर्शनलाई अहिले सीसीयूमा राखेर उपचार भइरहेको छ ।
सरकार र नेकपाबीच भएको तीन बुँदे सहमति कार्यान्वयन नभएपछि नेकपाका नेता जेलमै रहेका छन् ।
