काठमाडौँ । नेकपा (एमाले) उपाध्यक्ष वामदेव गौतम र नेता विष्णु पौडेलबीच भेटवार्ता भएको छ । लामो समयपछि भएको भेटमा एमालेका विवाद र सर्वोच्च अदालतको फैसलालगायतका विषयमा छलफल भएको बताइएको छ ।
भेट्न पौडेल सोमबार विहान गौतमको घरमा पुगेका थिए । लामो समयसम्म चलेको दुई नेताबीच भेट भएको गौतमको सचिवालयले पुष्टि गरेको छ ।
स्रोतका अनुसार भेटमा गौतमले एमाले सर्वोच्च अदालतको आदेशअनुसार २०७५ जेठ २ गतेभन्दा पहिले अवस्थाकै संरचना ब्युँताउनु पर्ने धारणा राखेका थिए । गौतमले सिंगो एमाले बनाउन पूरानै अवस्थामा फर्काएपछि मात्रै सम्भव हुने भन्दै ओलीलाई त्यही सन्देश पठाएको बताइएको छ ।
अध्यक्षकै कारण एमालेमा समस्या भएको भन्दै पछिल्लो चरणमा गरेको सबै कामकारवहीबाट फिर्ता लिनु पर्ने समेत गौतमले सन्देश पठाएको बताइएको छ ।
