News Portal

  • कोरोनाबाट डीएसपी खरेलसहित थप १८५ जनाको मृत्यु, ७ हजार २२० संक्रमित

    डबली संवाददाता२०७८ जेठ १० गते
    १८० पटक

    काठमाडौं । कोरोना भाइरस संक्रमणबाट नेपाल प्रहरीका डीएसपीसहित १८५ जनाको ज्यान गएको छ । नेपाल प्रहरीका प्रहरी नायब उपरीक्षक (डीएसपी) समीरचन्द्र खरेलको कोरोना संक्रमणबाट निधन भएको छ ।

    प्रहरी प्रधान कार्यालय नक्साका अनुसार प्रहरी अस्पताल, महाराजगञ्जमा उपचारका क्रममा खरेलको सोमबार निधन भएको हो । संयुक्त राष्ट्र संघको शान्ति मिसनमा गएर फर्किएका उनी पछिल्लो समय प्रहरी प्रधान कार्यालय, नक्सालमा कार्यरत थिए । यसअघि प्रहरी अस्पतालमै काठमाडौं प्रहरीका डीएसपी राजकुमार केसीको उपचारका क्रममा निधन भएको थियो ।

    स्वास्थ्य तथा जनसंख्या मन्त्रालयका अनुसार बितेको २४ घण्टामा देशभर ७ हजार २२० जनामा कोरोना संक्रमण पुष्टि भएको छ । कुल १९ हजार ८४६ पीसीआर परीक्षणमा ७ हजार २२० जनामा कोरोना पुष्टि भएको स्वास्थ्य मन्त्रालयले जनाएको छ । योसँगै नेपालमा कोरोना संक्रमितको संख्या ५ लाख २० हजार ४६१ पुगेको छ ।

    त्यसैपछि आज पनि कोरोना निको हुनेहरुको संख्या ७ हजार १३५ जना कोरोना संक्रमणमुक्त भएका छन् । योसँगै निको हुनेको संख्या ३ लाख ९८ हजार ४८३ पुगेको छ ।

    प्रतिकृया दिनुहोस्