काठमाडौँ । कोरोना भाइरसबाट सुरक्षित हुन काठमाडौँबाट गाउँ हिडेका सवार बस दु र्घटना भएको छ । मंगलबार विहान नवलपरासीको बर्दघाट नगरपालिकास्थित दाउन्नेको खुर्साली खोलामा खसेको थियो ।
ना ५ ख २७१३ नम्बरको उक्त बस काठमाडौंबाट रुकुम पश्चिम जाँदै थियो । विहान ७ बजेतिर खोलामा खसेर दुर्घटना हुँदा ४ जनाको घटनास्थलमै ज्यान गएको छ ।
प्रहरीका अनुसार दुर्घटनामा परी २ महिला र २ पुरुषको घटनास्थलमै ज्यान गएको छ भने अन्य ४९ जना घाइते भएका छन् । ज्यान गुमाउनेमा रुकुम पश्चिम त्रिवेणी गाउँपालिका– ६ की २७ वर्षीया कल्पना पुन र रुकुमकै सिस्ने गाउँपालिका–४ का ३६ वर्षीय धनराज घर्ती रहेको पहिचन खुलेको छन् भने अन्य दुई जनाको सनाखत हुन सकेको छैन ।
घाइतेहहरुको चिसापानी अस्पताल बर्दघाटमा उपचार भइरहेको छ । घाइतेमध्ये केही अवस्था गम्भीर रहेको प्रहरीले बताएको छ । बसमा ५८ जना सवार थिए ।
बस सडकबाट १ सय ५० मिटर तल खसेको हो । एकजना बसमै च्यापिएको अवस्थामा रहेकाले क्रेन बोलाएर निकाल्ने प्रयास भइरहेको छ । बसलाई रुखले अड्काएका कारण मानवीय क्षति बढी हुन नपाएको प्रहरीले जनाएको छ । निषेधाज्ञामा अलपत्र परेका र समस्या भएकाहरु गाउँ फर्किएका थिए ।
