धनगढी । कोरोना संक्रमितको उपचार गरिरहेका सुदूरपश्चिम प्रदेशका तीन अस्पताललाई अक्सिजन ट्यांक, आइसीयू र भेन्टिलेटर खरिदको लागि सरकारले रकम निकासा गरेको छ । उद्योग वाणिज्य तथा आपूर्ती मन्त्री लेखराज भट्ट र अरु दुईजना सांसदको पहलमा स्वास्थ्य तथा जनसंख्या मन्त्रालयले २३ करोड ४० लाख बजेट निकास गरिएको हो ।
उद्योग वाणिज्य तथा आपूर्ति मन्त्री भट्टसँगै सांसद नारद र निरुदेवी पालको पहलमा मन्त्रालयले सेती प्रादेशिक अस्पताल, महाकाली अस्पताल र डडेल्धुरा अस्पतालमा अक्सिजन ट्याङ्क, आइसीयू र भेन्टिलेटर खरिद गर्न निकास गरिएको छ ।
स्वास्थ्य मन्त्रालयका अनुसार सेती प्रादेशीक अस्पतालमा १० आइसीयू, ५ भन्टिलेटर र अक्सिजन ट्याङ्क खरिद गर्न ६ करोड ८० लाख, महाकाली अस्पतालमा १० आइसीयू, ५ भन्टिलेटरसहित एउटा अक्सिजन प्लान्ट र अक्सिजन ट्याङ्क जडान गर्न ९ करोड ८० लाख, त्यस्तै डडेल्धुरा अस्पतालमा पनि १० आइसीयू, ५ भन्टिलेटर र एउटा अक्सिजन टयाङ्क खरिद गर्न ६ करोड ८० लाख रकम निकासा गरिएको छ ।
योसँगै सुदूरपश्चिमका कोरोना संक्रमितको लागि उपचारमा सहजता आउने अपेक्ष गरिएको छ ।
